2025-3-7 13:25 |
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират ба иттилои муҳоҷирони меҳнатӣ шаҳрвандони Ҷумҳурии Тоҷикистон мерасонад, ки ООО Торговый Дом Гранит, ки дар самти истеҳсоли сангҳои роҳрав, тахтасанг ва дигар маҳсулотҳо аз санги хоро (гранит) фаъолият менамояд, кормандонро барои фаъолияти меҳнатӣ дар вилояти Свердловск даъват менамояд.
Ширкати мазкур тӯли 10 соли фаъолият дар бозори санги табиии Россия, ҳамчун таъминкунандаи боэътимоди маҳсулоти санги хоро (гранит) обрӯ пайдо кардааст.
Вобаста ба васеъ шудани ҳаҷми талабот ва норасоии кормандон, ширкат барои иҷрои корҳо дар дастгоҳҳои сангбурӣ дархости коргар аз Тоҷикистон намудааст.
Музди меҳнат аз 95 000 рубл ба боло, 6 рӯзи корӣ дар як ҳафта ва 10 соат реҷаи корӣ (1 соат барои хӯроки нисфирӯзӣ) ташкил медиҳад.
Хароҷотҳои вобаста ба ҳуҷҷатгузорӣ, аз ҷумла бақадгирии муҳоҷиратӣ, маблағи моҳонаи патент, ҷойи хоб ва таъмини либоси махсуси кориро корфармо ба ӯҳдаи худ мегирад.
Довталабони хоҳишманд метавонанд ба рақамҳои зерин муроҷиат намоянд.
Телефонҳо барои тамос:
+7 (922) 201-76-46 Одиссей;
+7 (922) 679-51-00 Александр.
Дар ҳолати пайдо шудани саволҳо ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират бо рақамҳои +7 (495) 967-98-44 ва +7 (999) 912- 58-68 (WhatsApp) муроҷиат намоед. .
Подробнее читайте на tajmigration.ru ...
